INNI fasteignasala s. 580 7905 -  [email protected]
 

ATH UPPFÆRT -> Mögulegt að fá íbúðina afhenda fullbúna. Ásett verð fyrir fullbúna eign er 65,9 m.kr.

Fjögurra herbergja íbúð í parhúsi í byggingu við Bláargerði á Egilsstöðum. Eignin er með innbyggðum bílskúr og timburverönd.
Um er að ræða hús í byggingu sem getur verið afhent fullbúið á byggingarstigi 4 eða á byggingarstigi 3 (skv. ÍST: 51:2021), fullbúið að utan með grófjafnaðri lóð og tilbúnu til innréttinga að innan.

Skipulag eignar:
Eignin skiptist í forstofu með stórum glugga, eldhús/stofu í opnu björtu rými, hol, baðherbergi með plássi fyrir þvottaaðstöðu og þrjú rúmgóð svefnherbergi. Þá er innangengt úr forstofu í 29,5 m² bílskúr. Útgengt er úr stofurými á timburverönd og er bílastæði tvöfalt. 

Húsið er einingahús úr forsniðnum timbureiningum, reist á steyptum sökklum og steyptri plötu. Útveggir eru einangraðir með 120 mm. einangrun á milli stoða. Að innan er rakasperra og lagnagrind í útveggjum sem einangruð er með 50 mm. einangrun. Þak er klætt með tvöföldum ábræddum dúk eða pappa. Að utan er húsið klætt með svartri/dökkri timburklæðningu.
Allir léttir innveggir skv. teikningu verða komnir upp við afhendingu og klæddir gipsplötum. Útveggir verða einnig klæddir gipsplötum að innan. Loftagrind verður fullfrágengin og klædd gifsplötum.
Allir gluggar eru PVC gluggar og verða í gráum/svörtum lit að utan. Að innan eru gluggar grunnaðir frá framleiðanda.
Allir útveggir, loft og léttir innveggir verða frágengnir og spartslaðir og grunnaðir.
Seljandi greiðir gatnagerðargjöld. Öll inntök, raf- vatns- og fráveitulagna verða tengd og frágengin. Öll gjöld vegna þeirra verða greidd. Rafmagnstafla verður komin upp og heimæð tengd. Búið verður að leggja allar lagnaleiðir í loft og veggi skv. teikningu. Búið verður að draga í allt rafmagn. 
Húsið afhendist með gólfhitakerfi sem blæs heitu lofti. Allar gólfhitalagnir verða í steyptu gólfi. Gólfhitakerfi verður tengt og fullfrágengið með stýringu fyrir gólfhita. Neysluvatns- og fráveitulagnir verða tengdar við stofninntök og að þrifatækjum. Mælagrind fullfrágengin en án forhitara.
Lóð verður grófjöfnuð með timburverönd skv. samþykktri teikningu.

Skipulagsgjald og/eða önnur gjöld sem kunna að vera lögð á skulu greiðast að fullu af kaupanda.

Nánari upplýsingar, söluyfirlit og skilalýsing hjá INNI fasteignasölu.