Skjöldólfsstaðaskóli , 701 Egilsstaðir
Tilboð
Atvinnuhús
24 herb.
1273 m2
Tilboð
Stofur
2
Svefnherbergi
22
Baðherbergi
12
Inngangur
Sér
Byggingaár
1945
Brunabótamat
402.850.000
Fasteignamat
87.980.000
Áhvílandi
74.752.625

INNI fasteignasala s. 580 7905 -  [email protected]
 

Einstakt tækifæri í ferðaþjónustu. Til sölu er Skjöldólfsstaðaskóli á Jökuldal (Fljótsdalshéraði) en skólinn ásamt fleiri tengdum byggingum hefur verið nýttur í ferðaþjónustu síðustu ár og óhætt að segja að eignin er um ræðir sé vel útbúin í slíkan rekstur. Þar er tjaldsvæði, sundlaug, íbúðarhús, nýbyggt glæsilegt gistihús (byggt árið 2015), vel útbúið eldhús og matsalur. Allar eignirnar eru á 6 hektara eignarlandi.

Í nýjasta hluta bygginganna er 342,4 m² gistihús sem byggt var árið 2015 með 10 herbergjum, öll með sér baðherbergi. Einnig er þar rúmgóður salur sem getur nýst sem matsalur, setustofa eða það sem hentar hverju sinni. Í eldri hluta hússins eru 12 herbergi með sameiginlegu baðherbergi sem einnig hafa verið nýtt í ferðaþjónustu. Samtals er því um að ræða 22 herbergi sem tilbúin eru til útleigu. 
Elsti hluti byggingana var gerður upp í kringum árið 2000. Var sá hluti einangraður og síðan klætt að utan. Herbergin í eldri hlutanum voru einnig gerð upp á sínum tíma.

Vel útbúið eldhús er í húsinu með góðum kæli- og frystiklefa. Nokkuð stór salur sem nýtist sem matsalur eða samkomusalur og hentar vel fyrir ýmiskonar félagsstarf, veislur eða hverskonar mannfagnaði.

Íbúðarhúsið er 161,5 m² og eru þar fimm svefnherbergi. Ágætt hús sem þarfnast kannski einhvers viðhalds eins og gengur og gerist.

Sundlaug, heitur pottur og sturtuklefar eru í einni byggingunni og nýtist vel í ferðaþjónustunni.

Eignin er seld með öllu sem tilheyrir ferðaþjónustunni s.s. rúmum, borðbúnaði og slíku en þó ekki með persónulegum munum s.s. myndum á veggjum og uppstoppuðum hreindýrum.

Rafmagn er að mestu leyti keypt af heimilisrafstöð á næsta bæ. 

Skjöldólfsstaðaskóli er á Jökuldal, Fljótsdalshéraði, við þjóðveg 1 og í c.a. 50 km fjarlægð frá Egilsstöðum og c.a. 20 km frá hinu magnaða Stuðlagili. 
 

Senda fyrirspurn um eignina

Skilaboð hafa verið send.